Psa 71 | VulgJ | STEP | in Salomonem Salomonis

Psalms 71

1 in Salomonem ^va 2 Deus iudicium tuum regi da et iustitiam tuam filio regis iudicare populum tuum in iustitia et pauperes tuos in iudicio ^va 3 suscipiant montes pacem populo et colles iustitiam ^va 4 iudicabit pauperes populi et salvos faciet filios pauperum et humiliabit calumniatorem ^va 5 et permanebit cum sole et ante lunam generationes generationum ^va 6 descendet sicut pluvia in vellus et sicut stillicidia stillantia super terram ^va 7 orietur in diebus eius iustitia et abundantia pacis donec auferatur luna ^va 8 et dominabitur a mari usque ad mare et a flumine usque ad terminos orbis terrarum ^va 9 coram illo procident Aethiopes et inimici eius terram lingent ^va 10 reges Tharsis et insulae munera offerent reges Arabum et Saba dona adducent ^va 11 et adorabunt eum omnes reges omnes gentes servient ei ^va 12 quia liberavit pauperem a potente et pauperem cui non erat adiutor ^va 13 parcet pauperi et inopi et animas pauperum salvas faciet ^va 14 ex usuris et iniquitate redimet animas eorum et honorabile nomen eorum coram illo ^va 15 et vivet et dabitur ei de auro Arabiae et orabunt de ipso semper tota die benedicent ei ^va 16 erit firmamentum in terra in summis montium superextolletur super Libanum fructus eius et florebunt de civitate sicut faenum terrae ^va 17 sit nomen eius benedictum in saecula ante solem permanet nomen eius et benedicentur in ipso omnes tribus terrae omnes gentes beatificabunt eum ^va 18 benedictus Dominus Deus Deus Israhel qui facit mirabilia solus ^va 19 et benedictum nomen maiestatis eius in aeternum et replebitur maiestate eius omnis terra fiat fiat ^va 20 defecerunt laudes David filii Iesse

^va